Bagong EIC ng pahayagan ng CMC, naghain ng pagliban para sa kandidatura

Upang mawala ang mga kontensyon hinggil sa kanyang pagtakbo bilang kinatawan ng mga mag-aaral ng College of Mass Communication (CMC) sa University Student Council, naghain ang bagong patnugot ng Tinig ng Plaridel (TNP) ng pansamantalang pagliban sa pahayagan.

Ni Marvin Lim/Philippine Collegian

14 Pebrero 2009/ 1:30 pm

Upang mawala ang mga kontensyon hinggil sa kanyang pagtakbo bilang kinatawan ng mga mag-aaral ng College of Mass Communication (CMC) sa University Student Council, naghain ang bagong patnugot ng Tinig ng Plaridel (TNP) ng pansamantalang pagliban sa pahayagan.

Kandidato si Jovan Cerda ng partidong Interdependent Student-centered Activism (Isa), at kalaban niya sa posisyon si Angela Nolasco mula sa Student Alliance for the Advancement of Democratic Rights in UP (Stand-UP).

Itinanghal si Cerda, third year na journalism major, bilang bagong patnugot ng opisyal na pahayagan ng mga mag-aaral ng CMC noong Enero, at wala pang nailalabas na isyu ng pahayagan mula noon.

Saad ni Cerda sa Collegian, minabuting niyang iwanan muna ang kanyang posisyon sa kabuuang panahon ng kampanya. Pansamantalan namang humalili si Sophia Balod bilang patnugot ng pahayagan.

Samantala, handa naman umano si Cerda na iwan ang kanyang posisyon sa TNP kung mananalo siya sa kanyang kandidatura.

Teknekalidad?
Ani Cerda, kung teknalidad ang pagbabatayan, hindi ipinagbabawal ang maaaring pagkakaroon niya ng posisyon sa TNP at sa USC. “What I have to worry about are people who might accuse me of putting TNP and CMC student council in conflict,” dagdag ni Cerda.

Ngunit ani Absolom Eligio, kasalukuyang kinatawan ng mga mag-aaral ng Department of Journalism, higit pa sa usapin ng kakayahan ang pagkakaroon ng tungkulin sa konseho at sa pahayagan ng kolehiyo. “It’s a matter of [Journalism] ethics,” saad ni Eligio.

Dagdag niya, nangangailangan ang TNP ng sapat na kawani upang maipagpatuloy ang pahayagan. “TNP has just recently been revived. It can’t afford to lose its staff,” aniya

Author: TNP

The Official Student Publication of the UP College of Mass Communication.

  • Centennial CMC REP

    sabi niya during the hot off the grill ay tumutulong pa rin siya…
    excuse me. when jerrie abella filed LOA sa kule, kebs na niya.
    no inputs or whatsoever. LOA nga, di ba?

    and hello,TNP and USC? whammy.

    kuya, alam mo ba ang sinasabi mo? sana alam mo ang functions ng CMC rep at ng USC
    di ba? kasi yun ang posisyon na tinatakbuhan mo.

    ethics.
    priorities.